Social Icons

Sikiliza Tone Radio Live Hapa, na Tembelea Website yetu www.toneradiotz.com

bre

Featured Posts

Monday, February 8, 2016

FURSAA!!! SIMU YAKO NDIO JEMBE LAKO JIUNGE SASA NA RIFARO AFRICA UPATE KUNUFAIKA ZAIDI NI KWA MTAJI WA TSH 128,500 TUU! HAUJACHELEWA



KWA MAELEZO ZAIDI PIGA SIMU NAMBA +255765470107

RIFARO AFRICA ni kampuni mama kutoka Tanzania yenye lengo la kumsaidia mmiliki wa simu ya mkononi kuweza kunufaika na muda wa hewani anaoutumia kwa kumuingizia KIPATO.

-kampuni ilipata wazo hili toka mwaka 2011, lakini rasmi ilianza kulifanyia kazi mwaka 2014 mwezi wa 12 baada ya taasisi zote muhimu kuipitia na kujiridhisha na utendaji utakaoenda kumsaidia mtumiaji wa simu kwamba upo sahihi!

BIDHAA
-kampuni imetuletea bidhaa makini sana, muda wa hewani "AIRTIME ", bidhaa ambayo katika maisha ya sasa hivi ina umuhimu mkubwa sana, iwe ni mchana au usiku, wakati wa shida ama wakati wa raha bado tunaitumia sana!KUMBUKA  SI MAANISHI KUA UNAKUA MUIZA VOCH BALI  KWA MATUMIZI YAKO BINAFSI UNALIPWA.

MFUMO
- Rifaro Africa inaendesha biashara katika mfumo wa mtandao "Network marketing "
Biashara ya karne ya 21, biashara ambayo inakufanya uachane na kutumia nguvu nyingi, biashara ambayo itakupatia kipato ambacho hakina kikomo, uwepo usiwepo biashara yako huendelea kuwepo.

- Rifaro wameuweka mfumo huu katika vizazi 15. Utalipwa kuanzia kizazi cha 1-15 kwa uwiano tofauti kulingana na kizazi kwa kizazi!

MTAJI
Kama zilivyo biashara nyingine, hii pia itakuhitaji uwekeze mtaji wa 128,500/=

- utapatiwa kifurushi chenye
1. DVD
2. ATM card(2000/= salio ndani yake)
3.kitabu cha biashara
4. Website (kukuwezesha kuingia kwenye ofisi yako, kuona biashara yako yote)
5. 5000/= salio vocha
6. No ya mwanachama

 karibu uisome hii then ufanye maamuzi sahihi kiingilio ni kidogo sana  Kwanini Mtu anahitaji kujiunga na Kampuni ya Rifaro Africa??
1. Unalipwa Fedha  kwa miaka yako yote  na hata baada ya muda wako wa kuishi.
2. Rifaro ina hadhi kubwa kwa sababu imeaminiwa na hata kufanya kazi kwa kushirikiana na makampuni ya simu nchini, yanayomiliki uchumi mkubwa wa Tanzania.
3. Inafanya kazi na Selcom, kampuni kubwa duniani.
4. Rifaro inatumia ATM Visa Card ambayo inakubalika kufanya financial transactions dunia nzima.
5. Benki zote nchini na duniani zimeiamini kutumia ATM card yake wakati yenyewe siyo benki.
6. Rifaro ina Ofisi kila mkoa, kila wilaya, nchi nzima.
7. Rifaro ni halali, imesajiriwa kisheria na mamlaka zote, TCRA, BRELA, TRA.
8. Ukilipa kiingilio unapewa Stakabadhi.
9. Rifaro ina Mawakala wa Selcom Machines kila kona ya nchi ya Tanzania.
10. Rifaro ni pekee kukufanya ulipwe kwa kutumia simu yako kutatua matatizo yako mwenyewe.

Una hofu gani?? Unasubiri nini?? Jiunge sasa na Rifaro, urithi pekee kwa Mwanao na Vizazi vyako maana ajira yako, biashara yako na cheo chako havirithishwi ng'o! Line zako na biashara yako ya Rifaro inarithishwa.

Karibu, jisajiri sasa!


KWA MAELEZO ZAIDI PIGA SIMU NAMBA +255765470107

VETA KWA USHIRIKIANO NA ILO YAWATAMBUA MAFUNDI WASIOPITIA MFUMO RASMI


Mkurugenzi wa VETA kanda ya Kusini Magharibi, Justin Rutta akizungumza katika mahafali ya wahitimu walipata mafunzo katika mfumo usiorasmi(RPL) yaliyofanyika jijini Mbeya.


Kaimu Mkurugenzi wa VETA nchini Geophrey Sabuni akizungumza katika Mahafari ya wahitimu waliopata mafunzo ya ufundi katika mfumo usio rasmi Kanda ya kusini Magharibi.

Mkuu wa Chuo cha VETA Kanda ya kusini Magharibi Lameck Kihinga akitoa taarifa ya hali ya Chuo na kozi zitolewazo na chuo hicho Kanda

Mwenyekiti wa Wakufunzi wa Mafunzo yasiyopitia kwenye mfumo rasmi, Paul Kakaku akisalimiana na Wahitimu (hawapo pichani)


Wahitimu wakikabidhiwa vyeti


Baadhi ya Wakufunzi wakifuatilia sherhe za mahafali

Baadhi ya Wageni waalikwa wakiwa kwenye Mahafali

Wahitimu wakisoma Risala yao kwa mgeni rasmi

Mhitimu Majaliwa Sandules akikabidhi Risala kwa mgeni rasmi

Wahitimu na Wageni wakiwa katika picha ya pamoja baada ya kukabidhiwa vyeti


MAFUNDI wa fani mbali mbali wasiopitia katika mfumo rasmi wa mafunzo wamelalamikia vitendo vya baadhi ya mafundi waliosoma kuwanyonya na kuwalipa ujira mdogo katika kazi zao kutokana na kutokuwa na vyeti vya kuwatambua.

Hayo yalibainishwa  na wahitimu wa Kozi isiyo rasmi ya Mafundi wa mitaani iliyotolewa na Chuo cha Ufundi Stadi Veta Kanda ya Kusini Magharibi katika Mahafali ya kuwatunuku vyeti na kuwaingiza katika mfumo rasmi.

Wakizungumza katika risala yao mbele ya mgeni rasmi, Wahitimu hao walisema kabla ya kutambulika katika mfumo rasmi walikuwa wakinyonywa na kulipwa ujira mdogo kutoka kwa wasimamizi wao kwa kisingizio cha kusoma.

“Kinachotushangaza zaidi ni kwamba wenzetu wenye vyeti ambao walipita katika mfumo rasmi wanatutumia zaidi sisi katika kufanikisha kazi zao kwa malipo kidogo kiasi kwamba wao ndiyo wanaonufaika zaidi kwa kazi za mikono yetu” ilisema Risala ya wahitimu iliyosomwa na Majaliwa Sandules

Mafundi hao ambao waliingizwa kwenye mfumo rasimi kutokana na fani zao za awali ambazo ni upishi, ufundi seremala, ufundi uashi, ufundi wa magari pamoja na vyakula na vinywaji.

Walisema mbali na kuboreshewa fani zao pia wamefundishwa ujasiliamali, mawasiliano ya kibiashara, huduma kwa wateja,kujali ubora wa kazi, mahusiano na afya ya uzazi, usalama na afya mahala pa kazi, ukarabati kinga na masomo ya fani.

Aidha walipongeza Veta kwa kushirikiana na Shirika la Kazi duniani(ILO) kwa kuanzisha mfumo huo kwani hakuna gharama walizochangia kuanzia mchakato wa kuwaainisha, kuwatambua, kuwafanyia tathmini na hatimaye mafunzo.

Awali Mratibu wa Mafunzo hayo,Eshiwakwe Lema alisema mafunzo yalianza Agosti Mwaka jana ambapo Mafundi 252 waliandikishwa kati yao 156 walifaulu na 13 walifeli huku 83 wakiwa wamekacha kabisa.

Alisema waliofanikiwa kuhitimu na kutunukiwa Vyeti ni 167 kati yake wanawake ni 21 na wanaume ni 146 na kuongeza kuwa mafunzo hayo yalikabiliana na changamoto kubwa ya kisiasa kwani mpango ulianza kipindi cha kampeni za uchaguzi mkuu hivyo wengi walidhani ni sehemu ya kukipigia kampeni chama cha siasa.

Naye Mwenyekiti wa Wakufunzi, Paul Kakaku alisema mfumo huo ulianza mwaka 2010katika Mikoa ya Lindi, Mtwara, Morogoro, Mwanza na Dar es salaam ambako huko walikuwa wakifanya majaribio lakini zoezi la kuanza kutoa vyeti limeanza rasmi Mbeya na kwamba hadi sasa ni vijana 600 wamenufaika na mfumo huo.

Alisema mafunzohayo yanatolewa na walimu kutoka VETA za Kanda ya Kusini Magharibi na Nyanda za juu kusini kwa mikoa ya Iringa, Makete, Songea, Mbeya na Mpanda.

Kwa upande wake Mgeni Rasmi ambaye ni Mkurugenzi wa VETA kanda ya Kusini Magharibi, Justine Ruta aliyefuatana na Mkurugenzi wa Mitihani makao makuu na Kaimu Mkurugenzi Mkuu wa Veta, Geophrey Sabun alisema wahitimu wanapaswa kujiendeleza zaidi na kutafuta tenda kutoka Halmashauri mbali mbali kwa kubuni na kutengeneza thamani zenye ubora.


Friday, February 5, 2016

ASASI ZA KIRAIA NA WASIMAMIZI WA UCHAGUZI WA HALMASHAURI ZA MIKOA YA MBEYA, RUKWA NA KATAVI WAPASUA JIPU KWA TUME YA UCHAGUZI NEC.



 
Mkurugenzi wa Utawala na Rasilimali watu kutoka NEC, Hamis Mkunga aliyemwakilisha Makamu Mwenyekiti wa Tume ya Uchaguzi  akifungua mkutano na viongozi wa Asasi za Kiraia

Msimamizi wa Uchaguzi Jimbo la Mbeya mjini ambaye pia ni Kaimu Mkurugenzi wa Jiji la Mbeya, Dk. Samwel Lazaro akielezea Changamoto alizoziona kwenye uchaguz wa Oktoba 2015

Mratibu wa Uchaguzi Mkoa wa Mbeya, Costantino Mushi akifunga mkutano wa Tume na Viongozi wa Asasi za Kiraia

Afisa Maendeleo ya Jamii Jiji la Mbeya Vicent Msola akielezea mapungufu aliyoyabaini wakati wa Uchaguzi mkuu uliopita





Washiriki wakifuatilia mada na mijadala inayoendelea


TUME ya Uchaguzi NEC imekutana na viongozi wa Asasi za Kiraia na Wasimamizi wa Uchaguzi wa Halmashauri za Mikoa ya Mbeya, Rukwa na Katavi kufanya tathmini ya Uchaguzi uliofanyika Oktoba 2015.

Akizungumza katika kikao kilichofanyika katika ukumbi wa Hoteli ya GR iliyopo Soweto Jijini Mbeya, Mkurugenzi wa Utawala na Rasilimali watu kutoka NEC, Hamis Mkunga aliyemwakilisha Makamu Mwenyekiti wa Tume ya Uchaguzi alisema lengo la kikao hicho ni kufanya tathmini ya Uchaguzi mkuu uliopita.

Kwa upande wake washiriki wa mkutano huo walisema Uchaguzi ulijawa na changamoto nyingi ambazo Tume inapaswa kuzifanyia kazi mapema kabla ya uchaguzi mwingine kuitishwa.

Walisema Changamoto hizo ni pamoja na kuimarisha daftari la wapiga kura kuanzia sasa kwa kuwaandikisha vijana ambao kwa sasa umri umeshafika na vigezo vya kupiga kura katika uchaguzi ujao watakuwa wametimiza.

Lucy Mng’ong’o na Faustina Valleri walisema mbali na elimu kwa mpiga kura zilizotolewa na Asasi za kiraia bado kunachangamoto za wananchi kutojitokeza kupiga kura huku idadi kubwa ya wanaoharibu kura pia kuwa kubwa.

Kwa upande wake Msimamizi wa Uchaguzi Jimbo la Mbeya mjini ambaye pia ni Kaimu Mkurugenzi wa Jiji la Mbeya, Dk. Samwel Lazaro alisema Changamoto zinazoukumba uchaguzi zinatokana na maandalizi na utekelezaji wake kuwa kama dharula.

Alisema suala la ucheleweshaji wa vifaa, kutokutimia na majina ya mpiga kura kutokuwepo kwenye daftari ili hali kitambulishi anacho bado ni changamoto inayojirudia kila uchaguzi hivyo ni vema Tume ikaziamini Halmashauri kuhakiki vifaa vyote vinavyotakiwa kabla ya kumkabidhi wakala.

UNIDO KUWANUSURU VIJANA NA UKOSEFU WA AJIRA.


Mwezeshaji wa Program ya kunusuru vijana kutokana na ukosefu wa ajira, Dk.Omary Swalehe wa Chuo kikuu Mzumbe Kampasi ya Dar es salaam akitoa maelekezo kwa wahitimu kwenye mafunzo ya awali(hawapo pichani)


Mratibu wa Taifa wa Shirika la Kimataifa la kuhudumia Viwanda, UNIDO. Deodat Bernard akitoa mada kwa Wahitimu wa Vyuo vikuu kuhusu Program ya kupambana na ajira kwa vijana

Mwezeshaji wa Programu ya ajira kwa vijana Dk.Darlene Mutalemwa kutoka Chuo kikuu Mzumbe Kampasi ya Dar es salaam akieleza umuhimu wa vijana kujiunga na mpango huo.

Afisa maendeleo ya Biashara wa SIDO Mkoa wa Mbeya, Merina Mkuchu akisisitiza jambo kwa vijana waliojitokeza katika ukumbi wa Mkapa kuhusu mpango wa ajira(hawapo pichani)



Baadhi ya Wahitimu wakifuatilia kwa makini maelekezo kutoka kwa Wawezeshaji



Baadhi ya Wajisiliamali wadogo na Kati wa Jiji la Mbeya wakielezwa juu ya umuhimu wa kuwapokea Vijana waliohitmu Vyuo Vikuu katika Biashara zao ili kubadilishana nao ujuzi



SERIKALI ya Tanzania kwa kushirikiana na Mashirika ya kimataifa imeandaa mpango wa jinsi ya kuwasaidia vijana waliohitimu katika Vyuo vikuu ili wawe na uwezo wa kupata ajira bila kutegemea kuajiriwa.

Akizungumza katika Mafunzo kwa Vijana waliohitimu Vyuo vikuu kuanzia ngazi ya Diploma, Mratibu wa Taifa wa Shirika la kimataifa la Maendeleo ya Viwanda(UNIDO), Deodat Bernard alisema Serikali ilikuja na mpango huo ili kuona jinsi inavyoweza kutatua changamoto ya ajira kwa vijana.

Alisema katika Mpango huo ambao uliratibiwa na Shirika la UNIDO kwa kushirikiana na Shirika la Kazi(ILO),shirika la Chakula (FAO) na UN Women ambao walichagua program ya kuimarisha jinsi vijana wanavyoweza kupata ajira Program inayoendeshwa na Chuo kikuu cha Mzumbe.

Alisema katika Program hiyo vijana watakaochaguliwa wataweza kufanya kazi ya kujitolea na Wajasiliamali wa kati na wadogo ili waweze kupata ujuzi kwa vitendo pamoja na kuwasaidia wajasiliamali kuongeza na kuinua shughuli zao kupitia vijana waliosoma.

Kwa upande wao Wawezeshaji wa Programu hiyo, Dk.Omary Swalehe na Dk.Darlene Mutalemwa kutoka Chuo kikuu Mzumbe Kampasi ya Dar es salaam walisema program hiyo kwa majaribio inawalenga vijana 150 nchi nzima na kwamba tayari maelekezo yamefanyika katika ya Dar es salaam, Mbeya, Arusha, Mwanza na Zanzibar.

Dk. Swalehe alisema mpango huo utaanza kutekelezwa Mwezi huu February hadi Juni Mwaka huu ambapo baada ya kufanya tathmini na kubaini mafanikio kwa Wajasiliamali kunufaika ama Wahitimu kuleta tija ndipo mikakati ya kuifanya iwe endelevu itafanyika.

Alisema Mpango huo unaofadhiliwa na Kampuni ya Maendeleo la Sweden(SIDA) Wahitimu watapewa vyeti baada ya miezi mine ya majaribio ambapo watakuwa wakijitolea kwa gharama zao na kwamba vyeti hivyo vitakuwa na nembo ya Chuo kikuu Mzumbe na UNIDO ili kumuongezea sifa atakapopata nafasi ya kuitwa kazini.

Kwa  upande wake Afisa maendeleo ya Biashara wa SIDO, Merina Mkuchu mbali na kuipongeza UNIDO aliwasihi vijana watakaofuzu kwenda kuzitumia taaluma zao kwa vitendo ili kujiimarisha na kujifunza zaidi ikiwa ni pamoja na kumsaidia Mjasiliamali.

Alisema wanapoingia kwenye huo mpango wasiwe na wasiwasi na taaluma na sifa za masomo waliopitia Vyuoni bali kupitia Mjasiliamali anaweza kubadili mawazo na kuendelea na ujasiliamali ama kuajiriwa na Mjasiliamali aliyekuwa akisaidiana nae kwenye kazi.


Wednesday, February 3, 2016

BREAKING NEWS : KICHANGA CHAOKOTWA KICHAKANI KARIBU NA KANISA UYOLE JIJINI MBEYA

Mtoto anaekadiliwa kuwa na umri wa miezi miwili  ameokotwa kichakani karibu na Kanisa Katoriki Uyole ya ya kati Jijini Mbeya  baada ya kutelekezwa na mama yake.

Tukio kamili linakuja ...

Na Mbeya yetu

MIMEA VAMIZI HATARI KATIKA HIFADHI YA MLIMA RUNGWE

Mhifadhi Mkuu wa Hifadhi ya Mazingira asilia Mlima Rungwe, Innocent Lupembe akizungumza na waandishi wa habari kuhusiana na miti aina ya Mipaina iliyovamia hifadhi hiyo na mikakati ya kuiondoa.


Baadhi ya Miti isiyo rafikiwa mazingira na vyanzo vya maji ikiwa imepandwa karibu kabisa na Hifadhi ya Mlima Rungwe ambapo ikikomaa hupeperusha mbegu zake ndani ya Hifadhi na kupelekea kuharibu Ikolojia ya Mlima
 
HIFADHI ya Mlima Rungwe uliopo katika Wilaya ya Rungwe mkoani Mbeya iko hatarini kupoteza uoto wake wa asili kutokana na kuvamiwa kwa miti ya kisasa aina ya mipaina inayopoteza Bainoai za mlima huo.
 
 
Hayo yalibainishwa mwishoni mwa Wiki na Mkurugenzi msaidizi wa Shirika la kimataifa la Uhifadhi wa Mazingira Kanda ya Mbeya(WCS), Sophy Machaga alipokuwa akizungumza na waandishi wa habari kutoka Chama cha Waandishi wa habari za Utalii na Uwekezaji Tanzania(TAJATI)waliotembelea hifadhi yam lima huo.
 
 
Alisema mlima huo una bainoai pekee zinazowezesha viumbe hai na uoto wa asili kuendelea kustahimili lakini uwepo wa mimea vamizi aina ya mipaina hupoteza sifa kutokana na sifa zake za kuharibu mazingira na kukausha vyanzo vya maji.
 
Machaga alisema a uvamizi wa miti ya kigeni (Pinus patula) iliripotiwa na WCS kwa mara ya kwanza mwaka 2004 ikiwa imevamia hekta 64lakini baada ya hapo imeendelea kuongezeka na kufikia zaidi ya hekta 100 eneo lililovamiwa.

Kwa upande wake Mhifadhi Mazingira asilia Mlima Rungwe(TFS), Innocent Lupembe alisema  tayari kuna mpango wa usimamizi ambao utaanza kutekelezwa mwaka huu 2016.
 
Alisema katika mpango hu0 kuna mpango mdogo wa kuondoa miti vamizi aina ya misindano (Pines) ambayo ni tatizo kubwa katika hifadhi ya Mlima Rungwe kwani inahatarisha ikolojia yake.
 
 
“Katika kutekeleza mpango mdogo wa kuondoa miti vamizi, hatua kadhaa tayari zimefikiwa ikiwa ni pamoja na kuwasilisha andiko (proposal) makao makuu TFS. Katika mpango huo mdogo tunataraji kufuata hatua kadhaa ikiwa ni pamoja na kupima ujazo wa miti na eneo lililovamiwa kisha kutoa elimu kwa jamii inayozunguka hifadhi juu ya kusudio la kuiondoa miti hiyo. Hii itahusisha pia viongozi mbalimbali katika ngazi za kata na wilaya. Shirika la WCS litasaidia katika kufanikisha zoezi hili. Aidha uondoaji wa miti hii unatarajiwa kufaidisha TFS na jamii inayozunguka hifadhi” alifafanua Mhifadhi huyo.
 
 
Aliongeza kuwa changamoto kubwa katika jamii inayoizunguka hifadhi hiyo ni shule zake kukosa madawati hivyo baada ya kuvunwa miti hiyo walitarajia kutengeneza madawati lakini imegunduliwa kuwa mbao zake ni laini hazifai kwa madawati.